Saltar navegación
voluntariadogalego.org. Teléfono do Voluntariado: 900 400 800 voluntariadogalego.org. Teléfono Solidario: 900 400 800

VOLUNTARIADO AMBIENTAL NO LITORAL GALEGO 2018

En imaxes
A Dirección Xeral de Xuventude, Participación e Voluntariado pon en marcha un novo programa de voluntariado ambiental no litoral orientado a estimular o interese pola preservación e defensa ecolóxica desta zona marítima así como adquirir valores e actitudes de responsabilidade co medio ambiente no litoral.

O programa levarase a cabo en dúas quendas:

Primeira quenda: do 20 ao 24 de agosto

Segunda quenda: do 27 ao 31 de agosto

A primeira quenda levarase a cabo nas praias da Costa da Morte (Corme, Laxe, Arou, Camelle, Baldaio, Razo...) e a segunda no golfo Ártabro (rías de Betanzos, A Coruña, Ares e Ferrol).

O programa vai dirixido a impulsar e propiciar a participación de persoas voluntarias (un total de 8 por cada quenda) que queiran implicarse na conservación e mellora do medio ambiente no litoral cunha incidencia directa no entorno e que pode resultar unha magnífica oportunidade de desenvolver e acadar un enriquecemento persoal que lles permita un coñecemento do entorno social e medioambiental no que viven e a posibilidade de adquirir habilidades de formación para o futuro.

Os obxectivos que se pretenden acadar con este novo programa son:

- Preservar e protexer o medio ambiente nestas zonas de mar
- Promocionar valores de cuidado e desenvolvemento sostible nos espazos litorais
- Conservación, promoción e fomento do noso patrimonio natural

A acción voluntaria prevista neste programa desenvolverase cun máximo de 5 días á semana na que se realizarán actividades como:

- Retirada do lixo no litoral, a súa catalogación e clasificación posterior
- Labores de vixilancia ambiental ( cantidade e calidade de lixo presente, varamentos de cetáceos, localización de puntos de verteduras de augas contaminantes,vertedoiros ilegais, manchas de petróleo nas praias procedentes da limpeza de bodegas de barcos
- Cinzas procedentes de incendios forestais

O programa inclúe:

1. Aloxamento e pensión completa
2. Programa de actividades e monitores
3. Seguro de accidentes e de responsabilidade civil


As persoas voluntarias deberán desprazarse por conta propia ata o punto de encontro.


Condicións xerais:

Poderán participar no programa voluntarios e voluntarias maiores de idade. As persoas voluntarias que desexen participar, deberán ter en conta que a súa indumentaria debe ser axeitada ás actividades a realizar.

Co carácter previo realizarase unha formación teórica inicial na que se tratará:

- Situación xeográfica das praias nas que se vai traballar e as súas características particulares de acceso, usos profesionais e lúdicos.
- e xustificacións da acción voluntaria a desenvolverase
- App MARNOBA
- Protocolos de actuación e material a utilizar nas posibles accións voluntarias a desenvolver:retirada de lixo, verteduras ilegais...
- Prevención de riscos laborais

Ao finalizar a súa participación neste programa de voluntariado ambiental, as persoas voluntarias obterán da Dirección Xeral de Xuventude, Participación e Voluntariado un diploma acreditativo da acción voluntaria desenvolvida, que será inscrita como experiencia voluntaria no Rexistro de Acción Voluntaria de Galicia (como solicitar o certificado das experiencias voluntarias inscritas no Rexistro de Acción Voluntaria).

PARTICIPANTES E INSCRICIÓNS
Todos os voluntarios e voluntarias que estean dispostos a colaborar neste proxecto poden inscribirse cubrindo o seguinte formulario de inscrición:

Nota: Só se poderá cubrir o formulario unha vez, e só podes podes elixir unha quenda, se precisas facer algún cambio debes indicalo enviando un mail a voluntariado@xunta.es. Se volves a cubrir o formulario perderás o teu posto e pasarás directamente ao final da lista.


Formulario de Inscrición

* Nome:
* Apelidos:
* DNI:
* Data de nacemento: / /
* Sexo:
* Enderezo:
* Poboación:
* CP:
* Provincia:
* Teléfono de contacto:
* Correo electrónico:
* Estudos:
* Profesión:
* Tes algún requerimento especial coa comida ou alerxias? En caso afirmativo indica cal:
Observacións:
* Quendas:
  [Política de protección de datos]
 
* Campos obrigatorios.


Volver
xunta de galicia
© Xunta de Galicia. Información mantida e publicada na internet pola Xunta de Galicia
Oficina de Rexistro Único e Información | Suxestións e queixas | Aviso legal | Atendémolo/a
Formato RSS 2.0 Pode subscribirse as novidades desta web cun lector de feeds