Saltar navegación
voluntariadogalego.org. Teléfono Solidario: 900 400 800 voluntariadogalego.org. Teléfono Solidario: 900 400 800

PROGRAMA DE BIBLIOTECAS ESCOLARES SOLIDARIAS - VOLUNTARIADO DE LECTURA-A

A Dirección Xeral de Xuventude, Participación e Voluntariado en colaboracion coa Dirección Xeral de Centros e Recursos Humanos da Consellería de Cultura, Educación e Ordenación Universitaria colaboran na realización do programa BIBLIOTECAS ESCOLARES SOLIDARIAS.

O Plan LÍA de Bibliotecas Escolares contempla entre os seus obxectivos o de “incentivar o uso das bibliotecas escolares por parte das comunidades educativas, aproveitando os seus recursos para unha mellor atención da diversidade, e unha máis óptima atención á multiculturalidade, ás necesidades educativas específicas e ao plurilingüismo”, así como o de “estimular a experiencia lectora entre os distintos sectores da comunidade educativa”. Unha das liñas estratéxicas deste plan é a de “acadar maiores cotas de implicación das familias na formación dos novos lectores”.

Por outra parte, unha das funcións da biblioteca escolar é a de axudar a paliar as desigualdades no acceso aos recursos culturais e de acceso ao coñecemento, poñendo a disposición de todo o alumnado, independentemente da súa situación socioeconómica, todas as ferramentas precisas para avanzar na súa formación como lector crítico e como usuario e produtor de información, competencias claves na actual sociedade da información.

Con este fín crease o programa BIBLIOTECAS ESCOLARES SOLIDARIAS dentro do cal se engloban unha serie de iniciativas tales como:

1.- Concesión do Selo "Biblioteca Escolar Solidaria"
A finalidade desta iniciativa é a de recoñecer a bibliotecas nas que se traballa de forma salientable a compensación de desigualdades e se fomenta o voluntariado cultural entre os integrantes da comunidade escolar.

As características específicas son:
* Convocatoria específica por curso escolar.
* Presentación de memorias por parte dos centros interesados
* Concesión dos selos (15 por curso escolar)

2.- Voluntariado na biblioteca Escolar
Neste caso a finalidade é o recoñecemento de horas de voluntariado na biblioteca escolar, para o alumnado colaborador, mediante a emisión de certificado ou diploma acreditativo do traballo realizado.

As características son:
* Destinado a alumnado de ESO, bacharelato, formación profesional ou ensinanzas de réxime especial.
* As bibliotecas escolares deberán adherirse ao programa, no momento que se estipule e levar rexistro das actividades do alumnado


3.- Voluntariado de Lectura-A
A finalidade é estimular o voluntariado cultural relacionado coa biblioteca e a lectura, entre o alumnado de 5º e 6º de primaria.

As características desta iniciativa son:
* Incorporación ao programa Bibliotecas Escolares Solidarias desta inciativa xa en marcha


Para máis información e para saber como participar en cada unha das iniciativas debedes entrar nas seguintes descargas asociadas.

Centros inscritos "Voluntariado na biblioteca escolar 2017/2018".

Convocatoria do programa "Bibliotecas Escolares Solidaria" para o curso 2017/2018

Centros inscritos no "Voluntariado de Lectura-A".



Volver
xunta de galicia
© Xunta de Galicia. Información mantida e publicada na internet pola Xunta de Galicia
Oficina de Rexistro Único e Información | Suxestións e queixas | Aviso legal | Atendémolo/a
Formato RSS 2.0 Pode subscribirse as novidades desta web cun lector de feeds