Saltar navegación
voluntariadogalego.org. Teléfono Solidario: 900 400 800 voluntariadogalego.org. Teléfono Solidario: 900 400 800

Curso en liña: RECURSOS PARA TRABALLAR O VOLUNTARIADO NA EDUCACIÓN SECUNDARIA 2016

[REALIZADO]

<font color=blue>Curso en liña</font>: RECURSOS PARA TRABALLAR O VOLUNTARIADO NA EDUCACIÓN SECUNDARIA 2016Destinatarios/as: Preferentemente persoal técnico e persoas voluntarias das entidades inscritas no Rexistro de Acción Voluntaria da Xunta de Galicia.

Nº. de horas: 20

Nº. de edicións: 1

Nº. de prazas: sen límite

Contidos:
Módulo I: Un Achegamento ao voluntariado dende o ámbito educativo
- O espazo educativo como oportunidade.
- O colectivo xuvenil ante o voluntariado.
- Por qué debemos de promover a acción voluntaria nas nosas aulas?

Neste módulo preténdese achegar ao alumnado do curso a importancia de desenvolver acción voluntaria no espazo da educación regrada, e sobre todo dende a óptica do empoderamento da mocidade para a acción voluntaria dentro do marco escolar, coñecendo de primeira man as potencialidades e posibilidades que ten o desempeño do voluntariado no contexto escolar, tanto na formación integral da persoa como de cara a xerar un itinerario de acción voluntaria do individuo, que conecta cos outros programas de voluntariado da Dirección Xeral de Xuventude, Participación e Voluntariado.

Módulo II: Recursos e metodoloxías aplicables na educación secundaria.
- Principios metodolóxicos básicos.
- Recursos e metodoloxías na acción voluntaria.
- Unha proposta de actividades para o traballo grupal na aula.
- Recursos bibliográficos e webgrafía.

Neste segundo módulo, o curso ofrece ao alumnado dende un plantexamento inicial sobre que metodoloxías ofrecen maiores posibilidades para o desenvolvemento de proxectos de acción voluntaria dende unha perspectiva participativa e formativa no contexto educativo, para logo ofrecer un abano de recursos ao alcance do profesorado para impulsar acción de voluntariado dende a aula (APS. Traballo pro proxectos, etc..). Este módulo compleméntase coa recollida de boas prácticas a modo de referencias para o traballo dos diferentes centros educativos ou entidades.
Desta forma, o módulo adquire unha compoñente eminentemente práctica e de gran interese para o alumnado participante.

Módulo III: A construción e/ou adaptación dos nosos propios recursos.
- Vantaxes dun proceso de xeración/adaptación de recursos propios
- Criterios básicos no deseño de recursos.
- Traballo práctico: xerando/adaptando recursos e ferramentas

O último módulo, vai dirixido ao desenvolvemento dun traballo práctico por parte do alumnado que poderá ir en dúas vías: a elaboración dun recurso educativo propio, ou a adaptación dun recurso a unhas circunstancias moi específicas e concretas. A elaboración e/ou adaptación de recursos didácticos é un modelo de traballo moi necesario para a innovación educativa aplicada a acción voluntaria nas escolas.

Este módulo obriga ao alumnado a deseñar recursos que serán de moita utilidade, xa que o seguinte paso, (xa fora dos focos do curso) sería a aplicación dese recurso no seu contexto.

O curso ademais da formación de ofrecer unha formación especifica, ten unha actuación de ampliación que pretende conectar os contidos do curso coa realidade dos centros, e en concreto daqueles centros pertencentes á REDE DE CENTROS ESCOLARES SOLIDARIOS, achegándolle nas visitas de asesoramento o material (“O VOLUNTARIADO NA EDUCACION”) editado pola Xunta de Galicia, e que contén diversos recursos de interese que poden completar as sesión de asesoramento de xeito específico adaptándonos ás características de cada proxecto solidario e de voluntariado impulsado en cada centro educativo.

Modalidade: en liña

Lugar de impartición: Plataforma de Teleformación de Voluntariado, www.voluntariadogalego.org

Data de inscrición: do 30 de setembro ao 28 de ourubro.


Data de realización:
do 31 de outubro ao 30 de novembro ás 14:30 horas.

Formulario de inscrición

A través do seguinte formulario poderás inscribirte no curso. É obrigatorio cubrir todos os datos en MAIÚSCULAS e sen acentos.

1º - Unha vez cuberto o formulario, comproba que os teus datos son correctos e preme o botón ENVIAR.

2º De xeito inmediato, recibirás na túa conta de correo, unha mensaxe na que se che pide que VALIDES a túa conta de correo electrónico premendo na ligazón que aparece noutra cor e subliñado..

É conveniente que valides a conta antes de que finalice o prazo de anotación no curso xa que SELECCIÓN DOS/AS ALUMNOS/AS obedecerá á DATA DE VALIDACIÓN non á de inscrición.

3º Unha vez rematado o prazo de inscrición do curso, no caso de ser admitida a túa matrícula, recibirás un correo electrónico comunicando se estás aceptado no curso.

A Dirección Xeral de Xuventude e Voluntariado ten establecido un mínimo de prazas por curso. En caso de non completarse, suspenderase..


(8 díxitos e letra, sen espazos nin guións)
**
* Áreas nas que colabora:





* Áreas nas que lle interesaría colaborar:





[Política de protección de datos]
* Campos obrigatorios.
** Debes ter acceso á conta de email para poder validar a inscrición.

Volver
xunta de galicia
© Xunta de Galicia. Información mantida e publicada na internet pola Xunta de Galicia
Oficina de Rexistro Único e Información | Suxestións e queixas | Aviso legal | Atendémolo/a
Formato RSS 2.0 Pode subscribirse as novidades desta web cun lector de feeds