Saltar navegación
voluntariadogalego.org. Teléfono Solidario: 900 400 800 voluntariadogalego.org. Teléfono Solidario: 900 400 800

Novas


(10-10-2017)

sve

Xornada de Experiencias sobre Voluntariado Europeo en Ourense

Amigos da Terra está levando a cabo un proxecto de promoción do Servizo Voluntario Europeo (SVE) que remata cunha xornada de intercambio de experiencias en torno a este voluntariado, que pode ser de interese tanto para ás mozas e mozos, organizacións que queiran traballar con voluntariado (asociacións xuvenís, culturais ou de veciños, centros de ensino, concellos, fundacións ou ONG) así como técnicos de emprego e xuventude municipais.

A través deste programa persoas menores de 30 anos poden traballar en máis de 20 países de Europa por un período que pode ir de 2 a 12 meses, colaborando a tempo completo en diversos proxectos que poden ser de carácter social (infancia, xuventude, persoas maiores), tecnolóxico, deportivo, artístico, cultural, vinculados ao patrimonio ou medio ambiente entre outros. Así para as mozas e mozos, non só se trata de vivir unha experiencia persoal única se non que no contexto actual de paro xuvenil increméntase as súas probabilidades de encontrar emprego.

10:15 Presentación da xornada

10:30 Que é o servizo de voluntariado europeo?

Requisitos de participación, duración, actividades, financiamento, etc… Angel Dorrio, técnico de Amigos da Terra

11:30 Experiencias de voluntariado nas organizacións

Proxectos que desenvolven con voluntariado europeo distintas asociacións. Sustinea (Asociación medio ambiental), OMIX Concello de Ribadavia, Amencer (Asociación Xuvenil)

12:30 Vivencias de voluntariado en España e no extranxeiro

Ana Méndes (Portugal), Réka Patócs (Hungría), Jana Núñez (España)

14:00 Petiscos

A xornada é de balde pero é necesaria a inscrición previa no correo voluntariado.galicia@amigosdaterra.net.
[ASOCIACIÓN AMIGOS DA TERRA GALICIA-XUVENTUDE]

xunta de galicia
© Xunta de Galicia. Información mantida e publicada na internet pola Xunta de Galicia
Oficina de Rexistro Único e Información | Suxestións e queixas | Aviso legal | Atendémolo/a
Formato RSS 2.0 Pode subscribirse as novidades desta web cun lector de feeds