Saltar navegación
voluntariadogalego.org. Teléfono Solidario: 900 400 800 voluntariadogalego.org. Teléfono Solidario: 900 400 800

Hemeroteca

(21-03-2017)

A Xunta recibe 21 mozos do Servizo de Voluntariado Europeo que desenvolverán proxectos en Galicia e no resto do Estado

Os voluntarios e voluntarias, con idades comprendidas entre os 17 e os 30 anos, están a participar esta semana nun curso de formación en Culleredo.

O SVE ten como obxectivo principal promover a participación cidadá, desenvolver a solidariedade entre os máis novos, promover a relación con culturas diferentes e facilitar a aprendizaxe ou perfeccionamento doutros idiomas.

(20-03-2017)

A Xunta de Galicia recoñece o traballo realizado en 2016 por parte dos 125 participantes no servizo voluntariado xuvenil na provincia de Ourense

Os voluntarios, con idades comprendidas entre os 16 e 30 anos, formaron parte de proxectos desenvolvidos por dez entidades e oito concellos da provincia ourensá.

As áreas de actuación das iniciativas foron xuventude, medio ambiente, igualdade, Camiño de Santiago e recuperación da cultura, as artes e as tradicións galegas.

(17-03-2017)

Programa de Intercambio Xuvenil Internacional REAJ- 2017

A Rede Española de Albergues Xuvenís (REAJ) desenvolve por cuarto ano consecutivo o Programa de Intercambios Xuvenís en colaboración coa Dirección Xeral de Xuventude, Participación e Voluntariado da Xunta de Galicia, un programa para mozos e mozas de todas as Comunidades Autónomas que permitirá vivir unha experiencia única nun marco internacional.

(16-03-2017)

A Xunta desenvolve unha nova edición do programa de intercambio xuvenil en albergues internacionais

A Dirección Xeral de Xuventude, Participación e Voluntariado, en colaboración coa Rede Española de Albergues Xuvenís, ofrece á mocidade galega a oportunidade de experimentar, vivir e colaborar como voluntarios en albergues doutros países.

O obxectivo desta iniciativa é mellorar os coñecementos dos participantes, impulsando a aprendizaxe de idiomas, así como o respecto por outras culturas e formas de vida.

Galicia conta con varias instalacións integradas na REAJ, como os albergues xuvenís de Gandarío (Bergondo), LUG II (Lugo), Residencia xuvenil Altamar (Pontevedra), Residencia xuvenil Florentino López Cuevillas (Ourense), As Corcerizas (Vilar de Barrio, Ourense), Os Biocos (San Xoán de Río, Ourense), Equal (Coles, Ourense), Monte do Gozo en Santiago de Compostela e Artsurfcamp en Carballo (A Coruña).

(15-03-2017)

A Xunta de Galicia recoñece o traballo dos participantes no Servizo de voluntariado xuvenil en 2016

Os proxectos desenvolvidos por 37 entidades contaron coa implicación directa de 265 mozos e mozas.

As áreas de actuación con maior nivel de presencia voluntaria foron as desenvolvidas con mozos e colectivos en situación de risco.

(14-03-2017)

A Xunta aposta pola igualdade de oportunidades para as persoas con síndrome de Down

O encontro está organizado pola Universidade de Santiago de Compostela, o Valedor do Pobo e a Federación Down Galicia.

O responsable da área social do Goberno galego subliñou que o obxectivo do seu departamento é que “todos os colectivos, especialmente aqueles que pasan maiores necesidades, melloren a súa calidade de vida”.

(13-03-2017)

A Xunta incrementa nun 65% o apoio económico ao servizo de atención psicolóxica e logopédica para nenos de FAXPG

O obxectivo deste proxecto é lograr o equilibrio emocional e a aceptación da xordeira por parte dos pequenos e das súas familias.

A atención psicolóxica ofertada polo programa estendeuse a familias formadas por pais e nais con fillos e fillas ouvintes que presentaban dificultades na interacción por falta de pautas condutuais.


1 [ 2 ] [ 3 ] [ 4 ] [ 5 ] [ 6 ] ... [ 230 ]
xunta de galicia
© Xunta de Galicia. Información mantida e publicada na internet pola Xunta de Galicia
Oficina de Rexistro Único e Información | Suxestións e queixas | Aviso legal | Atendémolo/a
Formato RSS 2.0 Pode subscribirse as novidades desta web cun lector de feeds