Saltar navegación
voluntariadogalego.org. Teléfono do Voluntariado: 900 400 800 voluntariadogalego.org. Teléfono Solidario: 900 400 800

Novas


(26-02-2020)

Política Social salienta as iniciativas en materia de voluntariado que pon en marcha a ONG Cooperación Internacional

Subliña os programas que fomentan a sensibilización sobre os colectivos máis desfavorecidos e os que permiten unha formación integral en valores.

A directora xeral de Xuventude, Participación e Voluntariado, Cristina Pichel, salientou as diferentes iniciativas en materia de voluntariado que pon en marcha a ONG Cooperación Internacional. Fíxoo esta mañá durante a súa visita á sede compostelá desta entidade.

Cristina Pichel destacou a importancia de achegar ferramentas á xuventude que lles axuden mellorar competencias e habilidades a través do voluntariado. Neste sentido, destacou a relevancia de programas como Escola Solidaria, que desenvolve esta ONG, na que participan ao redor de 1.500 escolares de toda Galicia. A través desta iniciativa as nenas e nenos entran en contacto directo co mundo do voluntariado, reciben formación integral sobre este eido, implícanse nos problemas da súa contorna e foméntase a sensibilización sobre a situación dos colectivos desfavorecidos.

Outro dos proxectos impulsados por Cooperación Internacional é Scale up, que procura a adquisición e o desenvolvemento das competencias traballadas na educación non formal e informal.

A directora xeral de Xuventude tamén fixo fincapé no programa de Sensibilización contra o racismo a favor dos dereitos humanos que tamén pon en marcha esta entidade e nas que a través de obradoiros, campañas, charlas e foros, entre outras actividades, chega a 1.200 persoas.

xunta de galicia
© Xunta de Galicia. Información mantida e publicada na internet pola Xunta de Galicia
Oficina de Rexistro Único e Información | Suxestións e queixas | Aviso legal | Atendémolo/a
Formato RSS 2.0 Pode subscribirse as novidades desta web cun lector de feeds