Saltar navegación
voluntariadogalego.org. Teléfono do Voluntariado: 900 400 800 voluntariadogalego.org. Teléfono Solidario: 900 400 800

Hemeroteca

(27-11-2019)

O autobús da Xunta de Galicia 'Engánchate ao voluntariado' chega ao campus de Elviña e ao Parrote

O bus comezou onte o seu percorrido en Ferrol e continuará nos vindeiros días polas sete cidades e algunhas das principais vilas galegas

A semana do 5 de decembro, Día Internacional do Voluntariado, promoveranse accións voluntarias en diferentes áreas de traballo

(27-11-2019)

A semana do 5 de decembro, con motivo da conmemoración do Día Internacional do Voluntariado, promoveranse accións voluntarias en diferentes áreas de traballo

A directora xeral de Xuventude, Participación e Voluntariado, Cristina Pichel, subliñou o altruísmo das persoas que participan nos diferentes programas de voluntariado e fixo fincapé en que Galicia é a comunidade máis solidaria de España. Díxoo na visita ao autobús de promoción de accións voluntarias que impulsa a Xunta de Galicia, que onte estivo emprazado en Ferrol

Este bus percorrerá ao longo dos vindeiros 11 días as principais cidades e vilas galegas e baixo a lenda Engánchate ao voluntariado ofrecerá información sobre os programas do Executivo autonómico nesta materia. Hoxe estará no campus de Elviña da Universidade da Coruña, ao carón da Facultade de Dereito, entre as 11,00 e as 14,00 horas; e xa pola tarde quedará emprazado na zona do Parrote, de 16,00 a 20,00 horas. Os municipios de Santiago, Pontevedra, Marín Ribeira, Noia, Melide, Lugo, Monforte de Lemos, Ourense, Celanova, Vigo e O Porriño tamén acollerán a chegada deste autobús do voluntariado.

As persoas que o visiten poderán informarse sobre programas como o proxecto de voluntariado ambiental LEWO, os campos de voluntariado da Campaña de Verán, o voluntariado de Nadal a través do programa Xuntos polo Nadal, a iniciativa Son Voluntaria/o centrada en festivais de música, o voluntariado sénior ou o plan de formación para persoas voluntarias. Tamén recibirán diverso material de promoción, como bolsas de tela, chapas, cuncas, libretas ou lapis. Así mesmo, asistirán á proxección dun vídeo con testemuñas de persoas voluntarias que participan nos programas da Xunta.


(26-11-2019)

A Xunta porá en marcha o programa ‘Voluntariado no Camiño’ para informar aos peregrinos sobre o patrimonio cultural e os servizos de cada zona

◾Permitirá que os camiñantes coñezan na súa viaxe igrexas, castros ou mámoas; así como ofrecerlles información de interese sobre albergues, centros de saúde ou oficinas de turismo.

◾As primeiras rutas nas que se aplicará será o Camiño Francés, o Portugués e a Vía da Prata

(25-11-2019)

Política Social organizará unha actividade de voluntariado ambiental na Reserva da Biosfera Mariñas Coruñesas e Terras do Mandeo

A semana do 5 de decembro, Día Internacional do Voluntariado, a Xunta promoverá accións voluntarias en diferentes áreas.

A partir deste martes un autobús percorrerá desde Ferrol as cidades e vilas galegas para informar dos programas promovidos pola Xunta nesta materia.

(04-11-2019)

Voluntariado Sénior

Experiencias en materia de acción voluntaria contadas polas voluntarias e voluntarios da Fundación Amigos de Galicia con base na orde do 3 de xuño de 2019 pola que se regulan as bases das subvencións para entidades de acción voluntaria e entidades locais enmarcadas no Programa Voluntariado Sénior

(03-11-2019)

Política Social oferta dous cursos de lingua de signos para persoas voluntarias

A Consellería de Política Social ofrece dous cursos de lingua de signos para persoas voluntarias e, desta maneira, promover a inclusión das persoas xordo-cegas e xordas. Estas formacións contarán cunha modalidade en liña e outra presencial, que terá lugar no centro coordinador de información e documentación xuvenil de Santiago de Compostela.

(31-10-2019)

Política Social impulsa o voluntariado sénior en Lalín a través do seu Desván municipal

A directora xeral de Xuventude, Participación e Voluntariado, Cristina Pichel, destacou o impulso do voluntariado sénior en Lalín a través do Desván municipal, no que 18 voluntarios recollen, seleccionan, clasifican e entregan roupa ás familias do municipio que a precisen. Fíxoo esta tarde durante a súa visita ás instalacións deste servizo que se atopa na antiga Casa dos Mestres do Centro de Educación de Infantil e Primaria Xesús Golmar.

(30-10-2019)

Política Social fomenta o voluntariado como ferramenta para mellorar a inclusión das persoas xordo-cegas

A directora xeral de Xuventude, Participación e Voluntariado, Cristina Pichel, asinou un protocolo de colaboración coa Federación de Asociacións de Persoas Xordas de Galicia.

◾O obxectivo desta iniciativa é ampliar a colaboración coas sete entidades que traballan neste eido na nosa Comunidade, fomentando a participación das persoas voluntarias nos seus proxectos.
◾Así mesmo, poñeranse en marcha dous cursos de lingua de signos para favorecer unha mellor atención a este colectivo

(30-10-2019)

XIII Seminario sobre Discapacidade Intelectual e Saúde Mental

A Facultade de Psicoloxía de Santiago acollerá unha nova edición do "Seminario sobre discapacidade intelectual e saúde mental", organizado por FADEMGA Plena inclusión Galicia, coa colaboración do Grupo de Traballo de Trastornos Mentais e/ou alteracións de conduta.

[FADEMGA, PLENA INCLUSIÓN GALICIA (Federación Gallega de Asociaciones en favor de las personas con discapacidad intelectual o del desarrollo)]

(27-10-2019)

Aberto o prazo de solicitudes para participar no programa Xuntos polo Nadal, destinado a persoas maiores que estean soas nesas datas

A Xunta de Galicia abre ata o 15 de novembro o prazo de presentación de solicitudes para participar nunha nova edición do programa Xuntos polo Nadal, destinado ás persoas maiores de 60 ou máis anos que se atopan soas nestas datas, ben pola carencia de familiares ou amigos, a perda do seu cónxuxe ou por outras circunstancias. A principal novidade deste ano é que se habilita como punto de destino o Complexo Residencia Xuvenil Lug II, en Lugo, que se suma así ás Residencias de Tempo Libre do Carballiño, en Ourense, e de Panxón, en Nigrán.


[ 1 ] [ 2 ] [ 3 ] 4 [ 5 ] [ 6 ] ... [ 257 ]
xunta de galicia
© Xunta de Galicia. Información mantida e publicada na internet pola Xunta de Galicia
Oficina de Rexistro Único e Información | Suxestións e queixas | Aviso legal | Atendémolo/a
Formato RSS 2.0 Pode subscribirse as novidades desta web cun lector de feeds